VicenzaPiù - Notizie, Inchieste, Analisi su Vicenza e provincia

Gianluca Busato, Veneto Stato  -  Suceso indipendentista, intanto che la lega la perde el 15-20% del so eletorato
I rixultati ancora provixori dele elesion provinciai de Trevixo i conferma un suceso s-cieto de Veneto Stato: in pratica a ghemo radopià i voti che gavea ciapà PNV e Veneti Independensa mesi insieme nele elesion regionali del 2010, senpre in provincia de Trevixo.

No stemo farse incantar dai organi de regime: inte un panorama che vede la lega nord perdar voti in modo consistente rispeto ale regionali (anca somandoghe Rasa Piave i perde na cifra consistente tra el 5 e el 10% rispeto al'àno pasà), el rixultato de Veneto Stato intorno al'1,5% el xè un mucio significativo e vardando ben i rixultati nel teritorio el xè anca un segnal che ndoe che se gà lavorà ben, i rixultati i xè rivai. Da cualche parte a ghemo superà el 4%, par exenpio.
Xè ancora presto pa studiar i flusi eletorali, parché i dati i xè ancora in faxe de asestamento, ma vien fora ciaro che ndoe che ghe xè soci che xè stai ativi in canpagna eletoral semo cresùi in modo inportante rispeto a ndoe che no gerimo prexenti.
A ghemo butà xò na baxe inportante che fa ben sperar par el prosimo futuro.
E deso la riceta la xè riunion a maneta in ogni comun, sensa sosta. Se a distansa un àno, co in mexo le dificoltà de metar in piè un partito neonato, a semo riusii a far el dopio dei voti, a vol dir chela strada par l'indipendensa la xè cuela giusta.
El Veneto Stato indipendente da ancuò el xè pì visin.
Gianluca Busato
Coordinatore Trevixo sità
Veneto Stato